Shtohet numri i të prekurëve me COVID-19 te bluzat e bardha në vendin tonë.
Mësohet se tre kryeinfermierë në Spitalin Infektiv kanë rezultuar pozitiv me koronavirus, pas testeve të kryera.
Kujtojmë se janë infektuar edhe tre mjekë të task forcës së ministrisë së Shëndetësisë. I pari ishte Skënder Brataj, Drejtori i Urgjencës Kombëtare, më pas ishte drejtoresha e Operatorit të Shërbimit Shëndetësor, Mirela Cami dhe sot u raportua edhe se Andi Koraqi, shefi i Laboratorit të Mikrobiologjisë në QSUT është infektuar me COVID-19.
Ndërkohë që edhe mjekë dhe infermierë nga Durrësi, Lezha, Korça janë prekur nga koronavirusi.
