Pepe Reina ka zbuluar se kishte frikë për jetën e tij, pasi koronavirusi i shkaktoi vështirësi të mëdha në frymëmarje.
Reina, aktualisht lojtar i Aston Villa në huazim nga Milani, duke folur për “Corriere dello Sport”, kujton se nuk del nga shtëpia prej 18 ditësh, ndërsa ka treguar të gjithë përvojën e tij të frikshme të Covid-19.
“Kisha temperaturë, fyt të tharë dhe një dhimbje koke që më shoqëronte vazhdimisht bashkë me plogështinë. Për një moment, që zgjati diku rreth 25 minuta, ndjeva edhe mungesën e oksigjenit, pasi fyti mu ngushtua fare”.
“Megjithatë tani jam mirë, por vijoj të jem i izoluar dhe nuk kam dalë jashtë prej 18 ditësh. Për fat të mirë kam pranë bashkëshorten dhe 5 fëmijët e mi, që më ndihmojnë të kaloj kohën”, tregon Reina.
