Koronavirusi në vendin tonë prek një tjetër anëtar të Task Forcës së ministrisë së Shëndetësisë për përballimin e situatës.
Burime bëjnë me dije se është infektuar edhe Andi Koraqi, shefi i Laboratorit të Mikrobiologjisë në QSUT.
Mjeku Koraqi është i treti mes anëtarëve të Task Force që është infektuar. I pari ishte Skënder Brataj, Drejtori i Urgjencës Kombëtare, më pas ishte drejtoresha e Operatorit të Shërbimit Shëndetësor, Mirela Cami dhe sot raportohet se nga analizat ka dalë pozitiv dhe mjeku Koraqi.
Gjendja e tij shëndetësore raportohet të jetë e qëndrueshme.
Numri i personave të infektuar në vendin tonë ka shkuar në 223. 44 persona janë të shëruar dhe 12 të tjerë kanë humbur jetën. Harta e 11 rasteve të reja zgjerohet në Tiranë, Fier, Shkodër, Tropojë dhe Korçë, ndërkohë që në spitalin Infektiv po marrin shërbim mjekësor 74 pacientë, 4 prej tyre të vendosur në frymëmarrje të drejtuar.
