Tre raste të reja dyshohen me koronavirus në qytetin e Korçës.
Ata kanë shfaqur simptomat e COVID-19, duke i detyruar autoritetet shëndetësore të marrin tamponat për të kryer analizat.
Pritet përgjigjia e analizave, për të vërtetuar nëse ata do të rezultojnë pozitiv ose jo me COVID-19.
Burime bëjnë me dije se njëri prej tyre, ndodhet në repartin infektiv pranë spitalit rajonal të Korçës.
Dy prej tyre janë nga qyteti i Korçës, ndërsa i treti nga fshati Drithas i Maliqit.
Ata dyshohen se janë kontakte të tre rasteve të para në qytetin juglindor, zonë e cila deri më tani janë konfirmuar 11 raste gjithësej.
