Jahmir Hyka aktualisht luan me skuadrën e Sektzia Nes Tziona në Izrael. Në një intervistë për emisionin “FanZone” në Supersport, lojtari shqiptar ka folur për situatën e coronavirusit aty ku po jeton.
32-vjeçari ka deklaruar se I vjen keq për ndërprerjen e kampionatit pasi skuadra po kalonte një moment të mirë. Por që gjithsesi ka theksuar që jeta është më e rëndësishme se futbolli dhe duhen respektuar rregullat.
“U bënë gati rreth 2 javë që është ndalur kampionati e stërvitja, gjithçka. Po kalonim një moment të mirë në luftën për mbijetesë. Kjo është jeta, ka gjëra më të rëndësishme në jetë se futbolli”.
Situata në Izrael: “Izraeli mbahet për sigurinë, kam fatin që jam në një ekip me Lilajn dhe e kalojmë kohën bashkë. Në momente karantine është mirë të jetë kështu, të kesh dikë afër. Luajmë “play-station” të dy, Lilaj është përmirësuar goxha, ka mësuar nga unë”.
