Situata aktuale ku ndodhen dhe shumë shtete ka bërë që shumë persona të humbasin vendin e punës për shkak të izolimit dhe pandemisë COVID-19.
Dhe Amerika është prekur nga kjo pandemi dhe shumë persona kanë reaguar nëpër rrjetet sociale se kjo situatë i ka lënë pa punë.
Dy nga yjet e muzikës pop, Taylor Swift dhe Ariana Grande, nuk hezituan t’i ndihmonin fansat e tyre, duke marrë parasysh ankesat në rrjetet sociale.
Sipas People, Swift, 30-vjeçare, dhuroi 3,000 dollarë për dy nga fansat që shprehën problemet e tyre financiare këtë javë. Një fanse besnike e Swift, Samantha Jacobson, e cila punonte si një kamariere në Florida, tha se ajo mbeti pa të ardhura pasi ia mbyllën vendin e punës.
Kur Swift befasoi fansen me një dhurim prej 3000 dollarësh, Jacobson tha që ajo mbeti ‘pa fjalë’. “Nuk mund ta besoja dikë që unë e kisha shikuar dhe e dua dhe e respektoja për kaq shumë kohë ka bërë një gjë të tillë për mua”, ka thënë ajo për People.
https://www.instagram.com/p/B9hz9ZtlZ8O/?utm_source=ig_web_copy_link
Burimi shton se edhe Grande ka ndihmuar më shumë se 20 fansat pasi janë mbyllur të gjitha lokalet në Amerikë. Kontributet e Swift dhe Ariana vijnë pak më shumë se një javë pasi këngëtarët përdorën platformat e tyre publike për të nxitur fansat që të qëndrojnë në shtëpi, në mënyrë që të mbrojmë më shumë veten e tyre.
