Michel Hidalgo, trajneri i ekipit të madh të Francës që fitoi Kampionatin Evropian 1984, ka vdekur në moshën 87 vjeçare, – ka bërë të ditur Federata Franceze e Futbollit.
Hidalgo, i cili kishte qenë i sëmurë për disa vite, vdiq në mënyrë natyrale në shtëpi në Marsejë, njofton familja e tij për radiotelevizionin “France Info”.
Ai mbahet mend më së shumti për tetë vitet e tij në krye të “Les Bleus”, i cili arriti kulmin me ekipin e shkëlqyeshëm të Michel Platini, Alain Giresse dhe Jean Tigana duke fituar “Euro 84” në shtëpi, teksa mposhtën Spanjën 2-0 në finalen e Parisit. Ky ishte suksesi I parë I Francës në këtë turne.
Para kësaj, Franca po nën drejtimin e tij kishte arritur në gjysmëfinale të Kupës së Botës në vitin 1982, duke humbur me penallti ndaj Gjermanisë Perëndimore.
Hidalgo ka pasur edhe një karrierë si futbollist teksa ka luajtur për ekipet e Le Havres, Reimsit dhe Monacos.
