Kryeministri Edi Rama ka vendosur sot që bashkë me drejtues të Policisë së Shtetit të inspektojë vetë respektimin e masave të parashikuara për mospërhapjen e Covid 19.
Një nga masat është ajo e distancimit sociale, apo mos ecjes në rrugë në krah të një tjetër personi, gjë që nga Rama as është respektuar.
Mjafton të shihen fotot që vetë Kryeministri ka shpërndarë në rrjet për të parë se në krah të tij qëndrojnë Drejtori i Policisë së Tiranës, ai i Përgjithshëm, dhe rrotull tyre disa truproja.
Ndoshta ky detaj i ka shpëtuar Kryeministrit, që pavarësisht thirrjes për të mos pasur frikë nga Covid 19, shfaqet herë pas here nën panik, madje duke përhapur panik.
Pavarësisht masave që Qeveria e tij mori sapo u shfaq rasti i parë me koronavirus, ende nuk dihet sepse mijëra shqiptarë e të huaj që hynë në territorin shqiptar, në kohën kur Italia ishte përfshirë nga vala e pandemisë, nuk u karantinuan me detyrim.
Sot të gjitha rastet e shfaqura në Shqipëri dhe infektimet e personave të tjerë kanë lidhje pikërisht me shqiptarët që ishin në zonat e prekura në Itali apo Spanjë.
Postimi i Edi Ramës
🔴 SOT NË DISA TREGJE TË TIRANËS KU SITUATA ISHTE MJAFT POZITIVE
🔴 PROBLEM PENSIONISTËT QË DALIN NGA SHTËPIA, ÇKA ËSHTË E NDALUAR, SEPSE SHKALLA E RREZIKUT PËR TA ËSHTË SHUMË E LARTË
🔴 RESPEKT MAKSIMAL PËR RREGULLAT DHE DURIM, DURIM, DURIM
*** dhe duke qenë se ju njoh mirë, po i dal përpara duke ju thënë aman, mos më shkruani ku e ke maskën e pse s’ke dorashka😊
E e kemi përsëritur që maska e dorashkat nuk janë për kalimtarët, po të sëmurët, ata që kujdesen për një të sëmurë apo ata që e kanë punën me mundësi kontaktesh të afërta në tërësi…
Kalimtarët mjafton të respektojnë rregullat, sidomos distancën +1m, mosdhënien e dorës, përdorimin e gropës së brrylit nëse teshtijnë apo kolliten dhe janë të mbrojtur 👍
