Policia e Vlorës ka arrestuar një 39-vjeçar, të shpallur në kërkim në kuadër të operacionit “Lulet e Pranverës” të zhvilluar në shkurt të vitit 2019.
Në pranga është vënë shtetasi Fatmir Xhelili 39 vjeç, banues në Vlorë.
Gjykata e Lecce-s, Itali, ka lëshuar urdhër-arrestin për këtë shtetas, për kryerjen e veprës penale “Trafikimi i lëndëve narkotike”, kryer në kuadër të grupit të strukturuar kriminal për drogat, parashikuar nga Kodi Penal dhe Dekreti i Presidentit Italian.
Arrestimi i këtyre personave është kryer nëpërmjet një vendimi të gjykatës së Lecce-s, i cili është ekzekutuar në 12 shkurt 2019 nga Prokuroria e Krimeve të Rënda dhe Policia e Shtetit.
Ngjarja
Policia italiane në bashkëpunim me palën shqiptare kanë goditur në shkurt të vitit të shkuar katër grupe kriminale të trafikut të drogës në të dyja anët e Adriatikut duke lëshuar 27 urdhër arreste, 21 për shqiptarë dhe 6 për italianë.
Operacioni ‘Lulet e Pranverës’ ka qenë i shtrirë në Shqipëri në disa qytete, në Durrës, Vlorë dhe në Lezhë, ndësa janë dokumentuar katër raste të trafikut. Gjithsej janë sekuestruar në të dyja vendet mbi 3.3 ton kanabis. Në Itali operacioni është zhvilluar në Calabri, Toscana, Emilia Romagna, Sicili dhe Lombardi. Hetimet kanë zgjatur dy vite.
Bisedat telefoniketë koduara
Mëson se një ndër krerët e grupit kriminal me bazë në Vlorë dhe që trafikonte drogë në drejtim të Italisë ishte Fatmir Xhelili. Në vendimin e Gjykatës së Leçes, thuhet se Xhelili është përgjegjës për të paktën katër episode të trafikun të drogës, ku në total përllogaritet sasia prej 2.8 ton.
Anëtarët e këtij grupi kriminal flisnin në mënyrë të koduar ku drogën e qunin me emrin “Goma Michelin”. Në rast se ata kërkonin drogë, e thoshin troç në telefona “…dua të blej goma për furgonin, nga ato Michelin…”, dhe më pas vijon me përcaktimin e pazarit të drogës, ku vetëm në një rast një sasi prej 15 kg lëndë narkotike është shitur me cmimin 22 mijë euro. Por linjat e koduara të komunikimit të trafikantëve ishin zbërthyer nga skuadrat e hetimit të prokurorisë së Leçes, të cilat kishin rënë në gjurmë të trafikut të drogës, që këta njerës bënin nga Shqipëria në Itali.
Fatmir Xhelili njihej si kreu i grupit. Sipas hetimeve ai drejtonte çdo fazë përgatitore në realizimin e importimit duke mbajtur personalisht edhe kontaktet në Shqipëri në lidhje me gadishmërinë e substancës narkotike, kujdesej personalisht për fazat e dorëzimit të pjesëve me drogë të korrierëve të ndryshëm që vinin nga rajone të ndryshme italiane.
