Pas Korçës, Shkodrës, Lezhës dhe Hasit, hartës së qyteteve të prekura nga koronavirusi i është shtuar edhe Berati. Një ditë më parë, Ministria e Shëndetësisë, raportoi zbulimin e rastit të parë me Covid 19 në Berat.
Mësohet se pacietja e prekur është një 44-vjeçare, banuese e fshatit Roshnik.
Pacientja punonte në Tiranë dhe Durrës ku mendohet se është infektuar.
44-vjeçarja është kthyer në fshatin Roshnik, 10 ditë më parë, kur me vendim qeveria u ndërprenë aktivitetet e bizneseve.
Nga të dhënat mësohet se gjendja shëndetësore e pacientes është e stabilizuar, ndërkohë që ambientet e banesës ku ajo jeton me bashkëshortin dhe fëmijën, janë dezinfektuar.
Por nga gjurmimi i kontakteve, rezulton se 44 vjeçarja ka pasur shumë të tilla, ndërkohë që u është rekomanduar që të vetëkarantinohen, deri në kryerjen e testeve për Covid 19.
