“Kemi hyrë në një javë të vështirë dhe po humbasim njerëz” Rama: Kemi vetëm një gjë në dorë

Teksa në vendin tonë u shënua viktima e katërt nga COVID-19, ndërsa një tjetër pësoi vdekje klinike dhe është në gjendje të rëndë, ka ardhur dhe një reagim nga kryeministri Edi Rama.

Në një postim në rrjetet sociale kreu i qeverisë shkruan se kemi hyrë në një javë tejet të vështirë dhe po humbasim njerëz. Sipas tij, kemi vetëm një gjë në dorë që të shtrëngojmë dhëmbët dhe durojmë duke mos shkelur ligjin e luftës.

Postimin kryeministri Rama e ka shoqëruar me një video nga Shtetet e Bashkuara të Amerikës.

Postimi i kryeministrit:

KEMI HYRË NË NJË JAVË TEJET TË VËSHTIRË DHE PO HUMBASIM NJERËZ😰

KEMI VETËM NJË GJË NË DORË PËR TË KURSYER SA MË SHUMË JETË DHE LEHTËSUAR SA TË MUNDEMI VUAJTJET E MËDHA:

TË SHTRËNGOJMË DHËMBËT DHE DUROJMË, DUROJMË, DUROJMË, DUKE MOS SHKELUR LIGJIN E LUFTËS PËR KUFIZIMIN E LËVIZJES; DUKE MOS DALË NGA SHTËPIA KOT; DUKE ECUR VETËM NË RRUGË KUR KEMI NJË DOMOSDOSHMËRI JASHTË SHTËPISË; DUKE NDENJUR NË RADHË NË DISTANCË MINIMUMI 1 METËR PAS KURRIZIT TË NJËRI – TJETRIT KUR BËJMË PAZAR; DUKE REZISTUAR, REZISTUAR, REZISTUAR