Data 9 shtator do të shënojë edhe koncertin e parë që këngëtarja me origjinë shqiptare Bebe Rexha do të realizojë në vendin tonë.
Prej kohësh këngëtarja me famë botërore e ka bërë të ditur këtë fakt, por këtë herë përmes një video në SnapChat ajo ka shprehur emocionet si dhe entuziazmin që do të jetë në Tiranë. “Duke u nisur drejt Shqipërisë, Tiranës. Do jetë një çmenduri”,-është shprehur Bebe ndërkohë që i drejtohej aeroportit.
