Ditët e ngrohta dhe me diell duket se i lam javën që shkoi pasi kjo javë nis me një mot të vranët dhe reshje shiu.
Sipas IGjEUM, sot (e hënë, dt. 23), reshje të dobëta të shiut do të përfshijnë pothuajse të gjithë territorin dhe në terrenet malore Veri-lindore dhe Lindore reshjet do të jenë në formën e dëborës.
Temperaturat minimale dhe maksimale të ajrit pritet të arrijnë:
në bregdet: 6 / 14 °C
në vendet e ulëta: 8 /11 °C
në vendet malore: -4 / 8 °C
Era pritet të fryjë e lehtë deri mesatare. Pritet një forcim gradual i saj deri të martën (dt.24), për t’u bërë problematike në disa zona, më e ndjeshme në bregdet dhe në terrenet e larta malore, ku për momente do t’i kalojë 40km/orë, sidomos në Perëndim të vendit.
