Mjeku i njohur Tritan Kalo, i cili është një prej doktorëve të Infektivit që po përballet direkt me të prekurit nga Covid 19, i është drejtuar me një tjetër mesazh qytetarëve, për të respektuar higjenën personale, distancimin social, por edhe të qëndrojnë në banesat e tyre, duke shmangur daljet e panevojshme.
Ai thekson se situata është serioze dhe shqetësuese, ndaj të gjithë duhet të bashkëpunojnë, duke qëndruar në shtëpi.
“Është një situatë preokupuese, por ajo mundet të shkurtohet si kohë me mirëkputimin dhe bashkëpunimin tuaj, dhe po me mirëkuptimin tuaj do të mundemi të kemi sa më pak humbje jetësh… Jeta e çdo shqiptari është e paçmimtë”, shkruan mjeku.
Postimi i Tritan Kalos
Edhe pse e Djelë 22 Mars 2020, detyrimi qytetar dhe ndërgjegjësimi profesional na kërkon të jemi në detyrë….
Fillimisht me informimin objektiv të MSHMS për situatën, më pas inkurajimi i ekipit roje në Shërbimin e Sëmundjeve Infektive, takimi me Drejtuesit e Shërbimit të Urgjencës Polivalente (ShUP) në QSUT, hallkë shumë e domozdoshme në menaxhimin e të gjithave Urgjencave të qytetit milionësh të Tiranës, si dhe një Trajnim në mjedis të hapur të stafit të këtij shërbimi dhe të stafit shtesë, në lidhje me mundësitë e triazhimit të shpejtë dhe të saktë të rasteve që paraqiten në ShUP, përfshirë edhe ato ndoshta të prekur nga Covid-19…..
NA NDIHMONI duke qëndruar në shtëpi dhe duke zbatuar rregullat e distancimit social….Është një situatë preokupuese, POR ajo mundet të shkurtohet si kohë me mirëkputimin dhe bashkëpunimin tuaj, dhe po me mirëkuptimin tuaj do të mundemi të kemi sa më pak humbje jetësh…
JETA e çdo Shqiptari është e paçmimtë…..SË BASHKU NE DO TIA DALIM MBANË!!!
