Nga Erl Kodra
Lexoje, që sytë të të plasin!
Dyqanet e ushqimeve, furrat e bukës dhe supermarketet të hapen që nga ora 7 e mëngjesit deri në 23.00 të natës. Kjo do të sillte relaksimin absolut të nevojës për ushqime, sepse në këtë formë, njerëzit nuk do të gjendeshin nën presionin e orareve të tua vrastare, por do të plotësonin të gjitha nevojat e tyre për blerje, duke respektuar në mënyrë strikte rregullat e higjenës dhe të largësisë.
Këtë mënyrë e kanë zgjedhur shumë vende europiane, së pari Gjermania, e cila e ka zgjatur qëndrimin hapur të dyqaneve me 3 orë, saktësisht për të mos sjellë dyndje dhe grumbullime masive të qytetarëve.
Kaq e thjeshtë është o “mendjendritur”.
Presioni mbi njerëzinë që kërkon të blejë ushqimet e përditshme, do të të kthehet në bumerang.
Sigurisht, mua nuk më plasi për ty, por për shqiptarët. Se ti tumllaz do t’a kesh, mbaje mend.
