Aktualisht pothuajse e gjithë bota po kalon kohë shumë të vështira. Shkak për këtë është bërë përhapja e coronavirusit dhe për pasojë jeta normale, ka pësuar një goditje të madhe.
Për parandalimin e mëtejshëm të virusit janë marrë masa të ndryshme, por ajo që duket më kryesorja është izolimi individual dhe minimizimi maksimal i kontakteve deri në përmirësimin e situatës.
Këtë thirrje bën edhe superylli i Juventusit, Cristiano Ronaldo, i cili përdor platformën e tij të fuqishme për të inkurajuar njerëzit për të qëndruar në shtëpi, duke dhënë kështu kontributin e tyre shumë të çmuar në luftën kundër coronavirusit.
“Nëse keni ëndërruar të luani për miliona njerëz në të gjithë botën, tani keni shansin tënd. Luaj në shtëpi, luaj për botën”, ka shkruar portugezi në Instagram.
