Kryeministri Edi Rama paralajmëroi këtë të shtunë ndëshkime të reja ndaj atyre që shkelin rregullin e vetëkarantinimit gjatë orareve të vendosura nga qeveria.
Përveç gjobave, Rama tha se shkelësit e rregullave, pra atë që do dalin nga banesat deri në orën 5 të mëngjesit të së hënës, do të shpallen tradhtarë dhe do u mohohet çdo lloj ndihme financiare, burse, apo nuk do përfitojnë rimbushim ilaçesh deri në 1 vit, nëse shkelen rregullat.
Kreu i Qeverisë paralajmëroi se nga policia do të përdoret ujë dhe gaz lotsjellës nëse qytetarët nuk i binden urdhrave dhe dalin në rrugë. Ai bëri me dije se të vetmit që lejohen të qarkullojnë janë policia dhe disa shërbime të tjera shtetërore.
“Bankat do të shërbejnë brenda kësaj fashe orari. 5 e mëngjesit deri në 2. Nga ora 1 deri në 5 vendi do të jetë shtëpia e mbyllur. Ecja me të tjerë në lagje, gjatë orarit për lëvizje, nuk do të tolerohet më paqësisht. S’do të mjaftohemi me gjoba. Policia dhe ushtria do të mbikëqyrin lagjet në Tiranë dhe Durrës, ku kemi dhe vijën e kuqe. Do i fusim, fotografojmë dhe fusim në listën e zezë të tradhtarëve. Këta individë do ta paguajnë shtrenjte. Atyre do u mohohet çdo lloj ndihme financiare për të paktën 1 vit qe nuk kanë punë, që nga bursat e studentëve apo dhe rimbursim të ilaçeve. Më vjen keq sa s’ka për pensionistët. Ata do të konsiderohen tradhtarë lufte, do të trajtohen me zero tolerancë. Të gjitha forcat e rendit, nga polici i lagjes, deri tek forcat speciale janë të vendosura të përdorin forcën dhe të gjitha mjetet që përdoren në rast shkelje të ligjit në tubime të paligjshme. Deri tek uji apo gazi lotsjellës. E mbështet pa asnjë rezervë këtë vendim të drejtuesve të Policisë”, deklaroi Rama.
https://www.facebook.com/edirama.al/videos/201882157750815/
