Gjykata e Apelit në Tiranë ka vendosur të ndryshojë masat e sigurisë për të gjithë të arrestuarit e lojërave të fatit, duke shfuqizuar vendimin e Gjykatës të Shkallës së Parë.
Në operacionin “Fati i lojrave” të zhvilluar mbrëmjen 20 shkurtit, në pranga u vunë rreth 115 persona.
Pas kërkesës së prokurorisë, gjykata ka vendosur masën e sigurisë “Detyrim paraqitje” për ata që ishin me masë “Arrest shtëpie” dhe “Arrest shtëpie” për të akuzuarit me masën “Arrest me burg”.
Mes persona që iu është ndryshuar masa e sigurisë nga “arrest me burg” në “arrest shtëpie” janë dhe pronarin i kompanisë së basteve sportive Ecco Bet Gramoz Murataj, si dhe Ervis Mulaj, vëllai i shefes së Kolegjit të Posaçëm të Apelimit Natasha Mulaj.
Gramoz Murataj është cilësuar si një person shumë i afërt me ish-ministrin e Brendshëm, Fatmir Xhafaj dhe si mik i ngushtë i vëllait të tij Geron Xhafaj. Ai është përmendur edhe në përgjimet e dosjes “Geron Xhafaj”. Sa i përket dënimit në Itali, Murataj bashkë me vëllain e tij, Besnik Murataj dhe Geron Xhafën janë dënuar për “Trafikim lëndësh narkotike”, nga Gjykata e Leçes, vendim ky i marrë në vitin 2004.
Kujtojmë se, pak ditë më parë Ministrja e Drejtësisë Etilda Gjonaj i është drejtuar me një letër Prokurorisë së Përgjithshme, Këshillit të Lartë Gjyqësor dhe Këshillit të Lartë të Prokurorisë ku i kërkon marrjen e masave për ruajtjen e shëndetit të të burgosurve nga koronavirusi, për të dhënë vendime alternative.
Nga dënimet alternative pritet të përfitojnë persona që nuk kanë kryer vepra të rënda, si vrasje, plagosje, trafik të lëndëve narkotike, dhunë në familje etj.
Sandër Lleshaj arreston ortakun në trafik të Agron (Geron) Xhafajt
