Kryeministri i vendit Edi Ramaparaqiti një plan me 7 pika për të përballuar situatën e krijuar nga COVId-19 teksa ka shpjeguar se të parët që do të mbështeten do të jenë më të dobëtit.
Rama tha se qeveria ka tre plane A, B dhe C për të përballuar krizën ekonomike që po sjellë koronavirus.
Pas prezantimit reagoi edhe Partia Demokratike e cila e ka quajtur si një masë të domosdoshme por nga ana tjetër kërkon transparencë
“PD e konsideron planin e masave social-ekonomike si të domosdoshëm për përballimin e krizës së shkaktuar nga pandemia e koronavirus. Propozimi i Qeverisë ka nevojë urgjente për transparencë dhe për t’u detajuar,” thekson deklarata e PD.
“Masat e shpalluara vlerësohen nga PD si një hap i parë i mirëpritur, por i pamjaftueshëm”.
Presidenti i Republikës, Ilir Meta ka reaguar pas shpalosjes së planit financiar nga ana e kryeministrit Edi Rama për fazën “A” siç e quajti ky i fundit për koronavirusin ndërsa e ka përshëndetur atë.
Meta kërkon transparencë nga qeveria dhe të përcaktojë sa më parë kriteret e ndihmës për biznesin dhe familjet më në nevojë.
