Copa Libertadores në Amerikën e Jugut, ekuivalenti i Ligës së Kampioneve në Europë, është shtyrë.
Vendimi është bërë zyrtare nëpërmjet një komunikate nga Conmebol (Konfederata e Amerikës së Jugut).Data e re për rifillimin e kompeticionit është vendosur 5 maji.
“Conmebol është i angazhuar për të parandaluar COVID-19, tashmë në rrezik zgjerimi, dhe në mbrojtjen e lojtarëve, stafeve teknike, delegatëve, gjyqtarëve, zyrtarëve, shtypit dhe tifozëve, ndaj mori vendimin për pezullimin e ndeshjeve të planifikuara më parë, fillimisht deri më 5 maj 2020.
“Ne kërkojmë nga klubet të bëjnë kujdesin e duhur për të shmangur përhapjen e virusit dhe të zbatojnë protokollet e parandalimit të sugjeruar nga autoritetet kompetente. Conmebol do të vazhdojë të monitorojë nga afër situatën me autoritetet kompetente dhe do të mbajë kontakte të përhershme me komunitetin e futbollit të Amerikës së Jugut gjatë kësaj periudhe të vështirë”.- thuhet në njoftimin e Konfederatës së Amerikës së Jugut.
