Një video e këngëtares së njohur me origjinë shqiptare, Bebe Rexhës, ku i mëson njerëzve në mbarë botën, se si një metodë alternative shqiptare, mund të zëvëndësojë letrën higjienike, është shpërndarë nga moderatori, Isli Islami.
Frika nga koronavirusi dhe izolimi në shtëpi ka bërë që njerëzit të furnizohen me ushqime për një kohë të gjatë.
Në rrjete sociale, pothujase çdo ditë po shohim video teksa zihen njerëz për letra higjenike. Por, Bebe Rexha në një video-live ka folur për këtë fenomen, duke u thënë njerëzve që mund të lajnë të pasmet me ujë, dhe nuk ka nevojë për letra higjienike.
“Mund ta lash b*thën me ujë. Seriozisht ç’është ky muhabet. Në Shqipëri, kur isha në Shqipëri më duhet të laja të pasmet me një kanaçe me ujë, nuk është aq e vështirë”- është shprehur Bebe Rexha gjatë videos, ndërsa ka demonstruar metodën shqiptare.
