Partizani ka zeruar sezonin aktual, ku para ndërprerjes se kampionatit skuadra ishte poshtë pritshmërive të vendosura nga vetë klubi.
Kampionët në fuqi të Superligës, vëmendjen e kanë rikthyer te rindërtimi i skuadrës për sezonin e ardhshëm. Klubi i kuq shpreson të mos bëjë gabimet e verës së kaluar ku lëvizjet në atë afat të transferimeve nuk rezultuan të goditura.
Kështu “Panorama Sport”, ka arritur të mësojë nga burime pranë të kuqve se në plane për sezonin e ri janë edhe tre ish-lojtarë të rinj, që këtë sezon kanë spikatur te Luftëtari.
Pikërisht bëhet fjalë për ish-kapitenin e të rinjve të akademisë së Partizanit, Franc Lala, si dhe dy sulmuesit anësorë, Gresild Lika dhe Joan Çela. Të tre lojtarët e kanë kaluar këtë sezon testin e pjekurisë në Superiore, kështu që ata ndihen gati që të përfaqësojnë fanellën e kuqe në Superiore.
