Mjeku i njohur, Prof.Dr. Isuf Kalo, tha se nisma e ministrisë së Shëndetësisë për të thirrur mjekët në pension, madje edhe studentët që t’i japin një dorë atyre që shërbejnë në sistemin parësor me qëllim që të përballojnë sëbashku emergjencën e krijuar nga përhapja e koronavirusit është mjaft e mirë.
Ai i bëri apel ndër të tjera të gjithë mjekëve shqiptarë që punojnë në Europë, të vijnë e të ndihmojnë Shqipërinë, të bëjnë një xhest patriotik.
‘Unë them që gjërat po shkojnë kështu, pra ky izolimi i popullsisë po bëhet që të shtyhet sa më shumë piku i përhapjes së virusit, që të ketë pak raste të reja, që të mos ketë shpërthime të menjëhershme, thuhet që kemi pak respiratorë, mungesë kemi dhe tek stafi.I bëj apel edhe pensionistëve që të aplikojnë, unë i pari jam ofruar edhe studentëve i është bërë thirrje të japin kontribut. Apel i bëj kolegëve tanë që janë në Europë, të vijnë për një gjest patriotik, të na ndihmojnë’,- tha ai.
