Rasti i parë me koronavirusin e ri, sëmundja misterioze që shkakton pneumoni, mund të gjurmohet që më 17 nëntor të vitit të shkuar.
Sëmundja ngjitëse që po trondit botën dhe ka shkaktuar mijëra viktima, mund të ketë nisur shumë më herët nga sa thuhet, shkruan gazeta italiane, Corriere della Sera.
Gazeta italiane i referohet një shkrimi të gazetës South China Morning Post. Sipas saj, pacienti i parë është një 55-vjeçar nga Hubei, provinca ku ndodhet qyteti Ëuhan. Ai e ka marrë virusin dy javë përpara 1 dhjetorit, që deri më tani njihet si data e parë kur nisi sëmundja.
Kurse Organizata Botërore e Shëndetësisë thotë se pandemia nis më 8 dhjetor, dita kur është shtruar për herë të parë në spital një i infektuar me Covid-19.
Po çfarë ndodhi gjatë këtyre dy javëve? Që nga 17 nëntori e në vazhdim, çdo ditë raportoheshin nga 1 deri në 5 raste çdo ditë, shkruan gazeta. Deri më 20 dhjetor, numri i të prekurve kishte shkuar në 60.
Atëherë ndodhi diçka. Të premten e 27 dhjetorit, mjeku Zhang Jixian i spitalit të Hubeit, raportoi te autoritetet shëndetësore në Ëuhan se infeksioni shkaktohej nga një virus i të njëjtit lloj si SARS. Në atë ditë numri i të prekurve kishte shkuar në 180 pacientë.
Në fund të vitit, lajmet nisin të qarkullojnë në rrjetet sociale. Mjeku Li Ëenliang lajmëron në rrjetet sociale më 30 dhjetor për koronavirusin e ri. Ai arrestohet. Më vonë do të vdesë nga pasojat e infeksionit.
Në javën e fundit, mjekët e qytetit Ëuhan dërgojnë disa mostra nga pacientët e infektuar te Qendra Kineze për Kontrollin dhe Parandalimin e Sëmundjeve. Më kot, pasi autoritetet kërkojnë kohë.
Më 31 dhjetor rastet kishin shkuar 266, një ditë më pas 381. Deri më 11 janar, administrata insiston se rastet e konfirmuara janë vetëm 41 dhe situata është nën kontroll. Qetësia buronte edhe nga fakti se katër ditë më parë, më 7 janar, qytetin e kishte vizituar një delegacion nga Komisioni Kombëtar i Shëndetit, që kishte deklaruar se nuk është provuar se virusi kaon nga njeriu te njeriu.
Presidenti Xi Jinping bën thirrje për një inspektim të ri. Ndërkohë virusi përhapet përtej provincës Hubei. Më 23 janar, autoritetet vendosin mbylljen e qytetit Ëuhan.
Për dy muaj, autoritetet kineze në thelb u përpoqën që të shpërfillin problemin, duke mbuluar të gjitha alarmet që vinin nga spitalet e qytetit Ëuhan.
Për ironi, saktësisht një vit më parë, drejtori i Qendrës Kineze për Kontrollin dhe Parandalimin e Sëmundjeve, Gao Fu, kishte siguruar se një epidemi si e SARS nuk do përsëritej më në Kinë. Ai e bëri deklaratën në prezantimin e qendrës së alarmit për epidemitë, e cila kishte kushtuar 100 milionë euro. Një investim plotësisht i dështuar.
