Policia e Shtetit lidhur me situatën me koronavirusin dhe masat kufizuese për qarkullimin rrugor ka vendosur dy numra shtesë për qytetarët.
069 41 22 223 dhe 069 41 22 224 janë numrat e radhës që do të vendosen në dispozicion 24 orë nga ora 22:00 e 13 marsit deri në përfundim të situatës emergjente.
Në fakt Policia është detyruar të vendosë këto dy numra shtesë për shkak se në sallën operative ka një fluks telefonatash nga qytetarët të cilët kërkojnë ndihmë apo sqarime.
NJOFTIMI ZYRTAR
Policia e Shtetit
Për t’u ardhur në ndihmë qytetarëve, në raste të problematikave të ndryshme që mund të lindin si pasojë e zbatimit të masave shtesë, të marra për parandalimin e përhapjes së COVID-19, të cilët kërkojnë zgjidhje apo konfirmim nga ana e Policisë, si dhe duke marrë në konsideratë fluksin e madh të kërkesave të adresuara nëpërmjet email-it zyrtar të Policisë Rrugore apo telefonatat e pafundme në numrin e emergjencës, ju informojmë se:
Drejtoria e Policisë Rrugore, duke filluar prej orës 22:00 të datës 13.03.2020 deri në përfundim të situatës emergjente, do vendosë dy numra shtesë 24/24, në dispozicion të qytetarëve për të telefonuar dhe konkretisht numrat:
069 41 22 223 dhe 069 41 22 224.
Policia Rrugore kërkon mirëkuptimin e qytetarëve që në këto numra të telefonojnë vetëm ata që kanë emergjencë dhe problematikë që kërkon zgjidhje dhe jo të bllokojnë linjat duke telefonuar thjesht për informacion.
Edhe njëherë Policia e Shtetit gjen rastin të apelojë për të gjithë qytetarët që të zbatojnë në vijimësi çdo masë aktuale dhe masat shtesë që merren në varësi të zhvillimit të situatës, me qëllim parandalimin e përhapjes së COVID-19.
