Kohët e fundit në të gjithë botën është vënë re trendi i tatuazheve e veçanërisht tek të rinjtë.
Por studimet e shumta tregojnë se shëndeti i njeriut mund të jetë në rrezik nga tatuazhet. Disa ngjyra të tatuazheve përmbajnë substanca të cilat shkaktojnë tumorin. Ky zbulim tronditës ka ardhur nga specialistët e Britanisë nga Organizata e Shëndetit të Përgjithshëm. Ata, në zbulimin e tyre më të ri nxjerrin në pah rrezikun e nanopartiklave nga ngjyra e tatuazheve që mbahen në shpretkë përmes gjakut dhe veshkave. Kjo e zvogëlon kapacitetin e trupit për t’i bërë ballë helmeve.
Ky hulumtim i ri I bashkohet edhe kërkimeve që janë zhvilluar me parë ku thuhej se ngjyrat e kuqe përmbajnë merkur, ndërsa ngjyra e gjelbër dhe e kaltër përmbajnë kobalt. Këto kimikale janë shkaktarë të kancerit, prandaj duhet të keni kujdes. Studimi nga Dr. Georgina Serua nga Kopenhaga ka treguar se ka agjentë që shkaktojnë kancerin në 13 nga 21 ngjyrat që zakonisht përdoren për tatuazhe në Evropë. Sipas hulumtimeve të SHBA-së, ngjyra e zezë e tatuazheve prodhohet duke e përdorur benzopirenin, përbërës i cili gjatë eksperimenteve në kafshë ka treguar se shkakton kancerin në lëkurë.
