Jamarbër Malltezi, anëtar i Kryesisë së PD-së, e ka cilësuar si një strategji llafesh atë të ndjekur nga Kryeministri Edi Rama dhe Qeveria për koronavirusin.
Malltezi ka përmbledhur 4 fazat e strategjisë së llafeve, që datojnë më 20 shkurt me fazën e parë dhe mbyllen me 9 mars me fazën e fundit.
Reagimi ka ardhur pasi Kryeministri Edi Rama prej disa ditësh po bën propogandën e rradhës, duke përdorur situatën e përhapjes së koronavirusit në vend, ndërkohë që kishte kohë mjaftueshëm për të marrë masa parandaluese.
“Strategjia e llafeve:
20 shkurt. Faza 1. Themi që “asgjë nuk ka për të ndodhur”
1 mars. Faza 2. Themi që “diçka edhe mund të ndodhë, dhe ne në fakt do të duhej të bënim ndonjë gjë për këtë”
8 mars. Faza 3. Themi që ”Ne edhe do të duhej të bënim ndonjë gjë, por nuk mundemi të bëjmë gjë”.
9 mars. Faza 4. Themi që “ne edhe mundemi të bëjmë ndonjë gjë, …por tani është shumë vonë për të bërë gjë”, shkruan Malltezi në rrjet.
