Ashtu siç pritej, Premier Liga angleze është pezulluar. Krerët e Ligës mbajtën një mbledhje gjatë paradites së sotme dhe në fund vendosën që të ndiqnin ndër të tjera shembullin e Serisë A dhe La Ligës.
Ishte parashikuar që ndeshjet e kësaj fundjave të luheshin, por pas ditës së sotme, është vendosur që çdo aktivitet të shtyhet, deri me datë 4 prill.
Në futbollin anglez të prekur me coronavirus janë, trajneri I Arsenalit, Mikel Arteta, futbollisti i Chelseat Callum Hudson-Odoi, ndërsa shumë futbollistë të tjerë po I nënshtrohen analizave. Ndërsa në të gjithë Mbretërinë e Bashkuar, numërohen rreth 590 të prekur ndërsa 10 persona kanë ndërruar jetë nga coronavirusi.
