Republika Çeke shpalli ditën e sotme gjendjen e jashtëzakonshme për shkak të situatës së shkaktuar nga koronavirusi në vend.
Qeveria ka vendosur të mbyllë pjesërisht kufijtë për të parandaluar hyrjen e njerëzve nga vendet e rrezikuara.
Gjendja e jashtëzakonshme vendos ndalimin e grumbullimeve të më shumë se 30 personave dhe vendos kufizime në vendet publike siç janë restorantet, bibliotekat dhe palestrat.
Gjendja e jashtëzakonshme do të zgjasë për 30 ditë.
Deri më tani janë 91 raste të konfirmuara me koronavirus në Republikën Çeke.
