Mbrëmjen e djeshme, Juventus, me një deklaratë zyrtare, informoi se futbollisti i tyre, Daniele Rugani, ka dalë pozitiv me virusin COVID-19.
Vetë mbrojtësi ka reaguar, ku bën me dije se është mirë dhe u bën thirrje njerëzve të ndjekin udhëzimet e autoriteteve.
“Me siguri i keni lexuar lajmet dhe kjo është arsyeja pse unë dua t’i siguroj të gjithë ata që shqetësohen për mua: jam mirë. U bëj thirrje të gjithëve të respektojnë rregullat, sepse ky virus nuk bën asnjë dallim. Le ta bëjmë për veten tonë, për të dashurit tanë dhe për ata që na rrethojnë”, shkruan Rugani në llogarinë e tij në “Twitter”.
Nga ana tjetër duke qenë se Juventusi në fundjavë luajti me Interin dhe ka pasur lojtarë që kanë pasur kontakte me Ruganin, në kampin zikaltër i kanë mbyllur përgatitjet dhe klubi italian ka dalë me një njoftim në orët e vona të ditës së djeshme.
“FC Internazionale Milano njofton se, pas deklaratës së Juventus FC në lidhje me pozitivitetin e lojtarit Daniele Rugani me COVID-19, të gjitha aktivitet janë pezulluar deri në një njoftim të dytë. Klubi po merr hapa për të përgatitur të gjitha procedurat e nevojshme”.
https://twitter.com/Inter_en/status/1237876487711154177
