Ministrja e Shëndetësisë Ogerta Manastirliu, e fuar në “Real Story”, ku po diskutohet situata nga koronavirusi në vend, u pyet dhe nëse kemi aktualisht një vatër të identifikuar.
Manastirliu theksoi se kjo do të bëhet me dije shumë shpejt nëse jemi në momentin e një transmetimi komunitar.
“Ka një hartë, quhet hetim epidemiologjik. Ecim në bazë të protokolleve standarde. Krijohet harta e kontakteve. Pikë së pari hetohen kontaktet e para, të ngushta dhe më pas hapen rrathët e kontakteve të tyre duke hulumtuar, investiguar, duke këshilluar apo duke marrë direkt analizat në raste kur kanë shenja.
Aktualisht kemi një total testesh të realizuar, 114 testime të kryera, 10 kanë rezultuar pozitive.
Në proces kemi 43 analiza apo testime që besoj përfundojnë shumë shpejt dhe po vijon marrja e mostrave në personat e kontaktit dhe duke vijuar investigime të mëtejshme, për të mundësuar frenimin e virusit”, deklaroi ajo.
