Pasi u konfimruan dy personat e parë të infektuar me koronavirus në Shqipëri, sot pritet një mbledhje e jashtëzakonshme e qeverisë shqiptare. Kjo e fundit ka njoftuar forcimin e planit të masave për të mos lejuar përhapjen e epidemisë.
Bëhet me dije se mbledhja do të nisë prej orës 09:00 dhe disa nga ministrat do të raportojnë para Kryeministrit për punën e bërë deri më tani, por gjithashtu do hartohet plani për ditët në vijim.
Dje, ministria e Shëndetësisë konfirmoi dy rastet e para të infektuar me koronavirus në vendin tonë. Bëhej fjalë për babë e bir, 54 vjeç dhe 28 vjeç, të cilët po trajtohen te infektivi në QSUT.
Ata kanë qëndruar disa ditë në Firence dhe kanë udhëtuar në rrugë tokësore nga Firence drejt Tiranës, nëpërmjet pikës së Hanit të Hotit me makinë personale.
