Manchester United ka mundur 2-0 Manchester City-n në javën e 29-të të Premier League. Kjo ka qenë fitorja e parë e Djajve të Kuq në një derbi të kampionatit të luajtur në shtëpi kundër Manchester City-t në pesë vitet e fundit.
Sfia është zhbllokuar nga një gol i Martial në minutën e 30-të të pjesës së parë. Ylli francez ka marrë një pasim magjik nga Bruno Fernandes dhe ka dërguar topin në rrjetë edhe falë ndihmës së Ederson, i cili ka reaguar me vonesë.
Martial është bërë lojtari i parë i United që ka shënuar në shtëpi dhe në transfertë kundër rivalëve të City-t në një sezon të vetëm të Premier League pas Cristiano Ronaldo-s në sezonin 2006-07.
Në minutën e 97-të, vendasit kanë gjetur edhe golin me dytë me McTominay, i cili ka marrë një asist nga Ederson.
Tri pikët e marra sot kanë kthyer në Europë Djajtë e Kuq, të cilët janë ngjitur në vendin e pestë të renditjes me 45 pikë, vetëm 3 më pak se Chelsea i vendit të katërt.
Fitorja e United ka qenë një fitore edhe për Liverpool-in, që tani kryeson renditjen me një avantazh prej 25 pikësh ndaj City-t, edhe pse këta të fundit kanë një ndeshje më pak.
