Ka arritur në 366 numri i të vdekurve nga koronavirusi në Itali, ndërsa 7375 janë të infektuarit. 133 viktima janë regjistruar vetëm ditën e sotme, ndërsa janë shtuar edhe 1492 raste të reja të të infektuarve.
Lajmin e ka dhënë Komisioneri për Emergjencat Civile Angelo Borrelli. 650 persona janë në gjendje të rëndë shëndetësore. Ndërkohë numri i të shëruarve ka arritur në 622. Italia është vendi i dytë në botë për numrin e vdekjeve dhe të infektuarve, pas Kinës, ndërsa është e para në Europë.
Gjithashtu Italia ka numrin e dytë më të madh të të infektuarve për 1 milion banorë, pasi në çdo 1 milion banorë janë 122 të infektuar. Ndërkohë kryeministri Conte ka urdhëruar izolimin e rajonit të Lombardisë dhe 14 provincave të tjera.
