Krerët e Premier League dhe ato të transmetuesve të futbollit në Angli, do të mblidhen për një mbledhje emergjente me qeverinë për të biseduar rreth krizës së Coronavirusit.
Sipas “Sky”, mbledhja do të mbahet ditën e hënë për të hartuar planet nëse virusi vijon të përhapet edhe në vendin ishullor.
Pak ditë më parë, si masë paraprake, Premier League njoftoi se nuk do të lejohet shtrëngimi i duarve mes lojtarëve përpara ndeshjeve. Por gjithsesi, duken se masa shtesë do të merren, pasi sipas “Sky Sport”, personat që janë mbi moshën 70-vjeçare të cilët konsiderohen me rrezik të lartë për mbartjen dhe përhapjen e Coronavirusit, nuk do të lejohen në stadiumet angleze.
“Premier League po konsideron masa shtesë për parandalimin e përhapjes së Coronavirusit. Këtu mund të përshihet edhe kontrolle të rrepta ose edhe përjashtimin nga stadiumet, e personave mbi moshën 70 vjeçare, grupmoshë e cila konsiderohet si me rrezikshmëri tepët të lartë për përhapjen e COVID-19”. – raporton korrospodentja e “Sky Sport”, Martha Kelner.
Në parim nëse një masë e tillë aplikohet, atëherë edhe Alex Ferguson, tashmë 72 vjeçar, i cili ndjek rregullisht ndeshjet në shtëpi të Man.United, nuk mund të lejohet në “Old Trafford”.
