Edhe pse u lirua fillimisht nga autoritetet në Paraguai, futbollisti i famshëm, Ronaldinho mbetet përsëri në rajonin e policisë.
39-vjeçari u shoqërua nga forcat e rendit me akuzën e përdorimit të pasaportave false për të hyrë në shtetin e Amerikës së Jugut, e gjitha kjo për shkak se Ronaldinho nuk ka pasaportë braziliani, për shkak të një gjobe mjedisore që ka marrë para dy vitesh.
Ndërkohë pas lirimit fillestar, Ronaldinho dhe vëllai i tij po mendonin të largoheshin nga Paraguai, por prokurorët bënë prapakthehu dhe urdhëruan arrestimin e tyre sërish.
Ata janë dërguar në një burg të Policisë, që përdoret për njerëzit e rëndësishëm dhe është i sigurisë maksimale.
Shefi i Policisë Kombëtare, Cesar Silguero, është shprehur: “Ne biseduam me avokatët dhe ata nuk bënë rezistencë ndaj arrestimit. Sot pritet të vendoset nga gjykata se sa kohë mund të qëndrojnë në burg”.
