Poeti Agim Doçi dhe inxhinieri Arben Meçe shkëmbyen replika të ashpra, deri në personale, gjatë emisionit “360 gradë”. Doçi dhe Meçe u përfshinë në debati lidhur me Kushtetutën, lëvizjen e Presidentit Meta për mbrojtjen e saj dhe Kryeministrin Edi Rama.
E ndërsa Meçe tha se ka qenë jurist, madje në grupin e punës së atyre që kanë hartuar Kushtetutën në 1998, Doçi i tha se ai ka mbaruar shkollën e natës dhe është inxhinier mekanik.
“Na i sill diplomën e juridikut, ku e ke mbaruar. Po ti shkolle nate ke bërë, pastaj mbarove inxhinier mekanik dhe sot na bën si jurist”, i tha Doçi.
Ndërkohë që Meçe duke replikuar i tha” kam mbaruar shkollën shkëlqyeshëm, jam 35 vjet inxhinier i çertifikuar, kam mbaruar juridikun, jam personi që inicoi ngritjen e komisionit hetimor kundër Edi Ramës në 2003, sikundër kam denoncuar abuzimet në rrugën e Kombit”.
DEBATI:
Agim Doçi: Ka 56 minuta nuk flet ai burri i zgjuar aty (Nazarko), ty duhet me të ndërru ilaçet
Arben Meçe: Po qesh ajo atje, nuk fitohet kjo betejë me batuta Gim. Gjithmonë ke humb
Agim Doçi: Kur ke qënë në Komision të Ligjeve? Nxirre diplomën e juridikut. Ti je një inxhinier mekanik që nuk dua të të ul por je me shkollë nate.
Artur Zhei: Mos e prishni miqësinë
Arben Meçe: A thua ti që do bie në këtë batak
