“Unë dhe Diego jemi ndarë para Krishtlindjes, por vendimin e kam marrë në tetor” – ka thënë Rocio Oliva në lidhje me nda rjen me Maradona-n.
Futbollistja ka shpjeguar për herën e parë arsyet që e kanë shtyrë atë të ndahet nga ish-numri 10 i Argjentinës. Rocio ka humbur babanë e saj kur ka qenë 12 vjeçe për shkak të një vrasjeje që e ka parë me sytë e saj.
Babai i saj është vrarë dhe deri më sot askush nuk ka mbajtur përgjegjësi për faktin. Kështu, Rocio i ka kërkuar Diego-s ta ndihmojë.
“Nuk ka dashur t’ia dijë. Mbaj mend se një herë më ka bërë të shkruaj një letër, sepse i kishte thënë avokatit të tij ‘të ndihmonte Rocio-n’. Dhe unë i besova.
Më ka bërë të shkruajë një letër, minutë për minutë dhe sekondë për sekondë, të asaj që kishte ndodhur dhe për atë që mbaja mend nga ai moment. Kam kaluar një javë duke rënë në gjumë shumë vonë, duke mbajtur mend përsëri gjithçka. Për të marrë drejtësi për babanë tim.
E kam shkruar letrën, më është dashur shumë kohë, e kam dorëzuar dhe nuk më ka thënëmë asgjë. Do ta kenë hedhur. Dua të them, një histori që për ata nuk kishte asnjë rëndësi. E vërteta është se në atë pikë ishte një çështje shumë e rëndësishme për mua dhe nuk kam marrë asnjë ndihmë.
Ka pasur gjëra të vogla që më kanë bërë të mendoj se Diego nuk ishte personi me të cilin doja ose meritoja të rrija. Kështu që asgjë nuk ka qenë më si më parë” -ka shpjeguar ajo për Clarin.com.
