Edi Paloka, nënkryetar i PD-së, ka reaguar lidhur me manifestimin e djeshëm të thirrur nga Presidenti Ilir Meta, i cili i la një afat deri në 15 mars Parlamentit për të reflektuar, lidhur me atë që e konsideron “grusht shteti”.
Paloka, referuar pjesëmarrjes së qytetarëve në manifestim, shkruan se urrejtja ndaj Edi Ramës mposhti edhe frikën nga çdo virus tjetër.
“Lexoje mirë Edvin… !
Kështu ndodh kur urrejtja për një të keqe si ty mposht edhe frikën nga çdo virus tjetër !
Sepse ti e di mirë që ata njerëz nga të gjitha anët e të gjithë krahët politike, në rradhë të parë i mblodhi urrejtja ndaj teje”, shkruan Paloka në rrjet.
Pas manifestimit të zhvilluar në bulevardin “Dëshmorët e Kombit”, Presidenti Meta tha se “populli shqiptar foli qartë: uragani kuqezi në mbrojtje të Kushtetutës! Shqipëria është e jona! Zoti e bekoftë atdheun tonë të dashur!”.