Një i dënuar raportohet se ka humbur jetën në burgun e Peqinit.
Ngjarja ka ndodhur rreth orës 14:00.
Mësohet se viktima është Fatmir Veliaj dhe dyshohet se ka kryer vetëvarje në qelinë e tij
Raportohet se i dënuari është gjetur në momentet e fundit të jetës, ndërkohë që ka munguar ndihma e shpejtë.
Vetëm pak kohë më parë në të njëjtin burg është gjetur i pajetë, Andon Mëhillaj, i dënuar me burgim të përjetshëm akuzuar si pjesë e bandës së tritolit, raporton Faxnews.
Ndërsa familjarët kanë ngritur dyshime mbi shkaqet e vdekjes duke akuzuar autoritetet për mungesën e shërbimeve mjekësore në burg, rezultatet paraprake të dala nga ekspertizxa nuk flasin për vrasje apo vetëvrasje të dënuarit.
Në raportin paraprak thuhet se ka qenë vdekje e menjëhershme për shkaqe që nuk janë sqaruar ende ndërkohë që rezultati përfundimtar pritet të dalë pas 29 ditësh.
“Vdekje e menjëhershme për shkaqe ende të pasqaruara! Do pritet rezultati përfundimtar i autopsisë pas 29 ditësh”.
Familjarët e Andon (Erjon) Mëhillajt shprehen se përgjegjës për vdekjen e djalit të tyre në burgun e Peqinit, është vetë shteti.
Familjarët janë shprehur jashtë kamerave për gazetaren e Fax Neës Afrovita Hysaj se Mëhillajt nuk i është ndihma mjekësore, edhe pse prej kohësh kishte pasur probleme me zemrën. Andon Mëhillaj, ishte baba i dy fëmijëve 8 dhe 12 vjeç (lexo lajmin).
Andon Mëhillaj, një nga personazhet më të njohura të botës së krimit në qytetin e Vlorës, i dënuar me burgim të përjetshëm është gjetur i vdekur në orët e para të mëngjesit të sotëm në burgun e Peqinit.
Andon Mëhillaj ishte anëtar i grupit të Julian Sinanajt, i dënuar si vrasës me pagesë, pasi ishte vetëdorëzuar në polici në vitin 2014. Më konkretisht Mëhillaj dyshohej se fshihej pas porositjes të disa krimeve të rënda në Vlorë, të gjitha të kryera me tritol, dhe të ekzekutuara nga serial killer Julian Sinanaj, i cili u bë më pas i penduari i drejtësisë (lexo të plotë lajmin).
