“Gjergj Kastrioti Skënderbeu testament na ka lënë domosdoshmërinë e bashkimit në momentet më të rrezikshme të ekzistencës së kombit tonë.”
Kështu shkruan Presidenti i Republikës Ilir Meta mëngjesin e sotëm në përkujtim të ngjarjes historike të Besëlidhjes së Lezhës, duke iu bërë thirrje qytetarë që të bashkohen më sa nuk është vonë, në një Besëlidhje të re.
Në këtë datë historike, Meta organizon një manifestim në 17:00 në bulevardin “Dëshmorët e Kombit”, duke e quajtur “Besëlidhja kundër grushtit të shtetit”
Sipas Metës, sot kombi është përballë një rreziku të ri pushtimi nga një sekt mafioz, pa fe, pa familje, pa atdhe, që ka marrë peng të ardhmen e çdo shqiptari!
Reagimi i Metës:
Heroi ynë kombëtar Gjergj Kastrioti Skënderbeu, siç me të drejtë ka thënë Fan Noli, do të mbetet shqiptari më i gjallë ndër të gjallët, figura më shpëtimtare dhe më frymëzuese për mbijetesë e kombit tonë, që testament na ka lënë domosdoshmërinë e bashkimit në momentet më të rrezikshme të ekzistencës së kombit tonë.
Sot në përkujtim të ngjarjes historike të Besëlidhjes së Lezhës, unifikimit kombëtar përballë rrezikut të asimilimit e shkombëtarizimit, mesazhi që na sjell nga historia, uroj të na ndihmojë ne të gjithëve për reflektuar, për t’u ngritur dhe bashkuar sa nuk është vonë, në një Besëlidhje të re, po aq të fortë e gjithëpërfshirëse, përballë një rreziku të ri pushtimi nga një sekt mafioz, pa fe, pa familje, pa atdhe, që ka marrë peng të ardhmen e çdo shqiptari!
Zëri i popullit është zëri i Zotit! Erdhi koha të dëgjohet sa më fort!
Mirësevjen BESËLIDHJA E RE me Pranverën Kuqezi! 🇦🇱
#PërKushtetutën #PërRepublikën #PërShqipërinë #PërKombin #BashkohuEdheTi
https://www.facebook.com/ilirmetazyrtar/photos/a.1479540228758912/2840723342640587/?type=3&theater
