Detaje të reja dalin në dritë nga aksidenti i trefishtë i cili ndodhi këtë mbrëmje në Fushë Krujë. 7 persona mbetën fillimisht të plagosur, ndërsa policia raporton se ka ndërruar jetë drejtuesi i mjetit “Volksëagen”.
Identiteti i viktimës ende nuk bëhet me dije. 6 personat e tjerë të plagosur, mësohet se janë në gjendje jashtë rrezikut për jetën. Ende nuk dihen shkaqet e aksidentit por mësohet se policia ndodhet në vendngjarje për të zbardhur detaje të reja. Dyshohet se shkak i aksidentit është bërë parakalimi i gabuar i një prej mjeteve.
Njoftimi i Policisë:
Informacion paraprak
Më datë 01.03.2020, rreth orës 17:30, në aksin rrugor Tiranë-Fushë Krujë, në Tapizë, janë përplasur mjeti tip “Benz” me një mjet tip “Volksëagen” me drejtues shtetasin F.Xh.,59 vjeç, i cili për pasojë ka ndërruar jetë.
Po si pasojë e përplasjes janë dëmtuar dhe 6 pasagjerë të tjerë të autoveturës dhe autobuzit, të cilët janë dërguar në spital nën kujdesin e mjekëve jashtë rrezikut për jetën.
Grupi hetimor ndodhet në vendngjarje dhe po punon zbardhjen e shkakut të aksidentit.
