Skënderbeu ka triumfuar në minutën e fundit me rezultatin 0-1 në ndeshjen kundër Vllaznisë. Ishte një sfidë e cila kishte raste shënimi nga të dyja krahët por në fund fati u buzëqeshi korçarëve.
Goli i fitores u shënuar nga Blerim Krasniqi i cili realizoi në minutën e tretë shtesë dhe i dha tre pikët skuadrës së Ilir Dajës, që mposhti për të parën herë shkodranët për këtë sezon.
Fitore siguroi edhe Laçi , të cilët siç pritej e patën të lehtë kundër Luftëtarit duke i mundur në transfertë 0-2. Protagonistë të fitores ishin dy sulmuesit Kyrian Nwabueze dhe Redon Xhixha, të cilët realizuan golat e fitores.
Amerikani Nwabueze shënoi golin e parë me anë të një 11-metërshi të kontestuar në minutën e 65-të ndërsa Xhixha vulosi shifrat 0-2 në minutën e 88-të, pas një pasimi të Nwabuezes. Me këtë fitore skuadra e Laçit barazon në kuotën e 38 pikëve Partizanin, madje për shkak të golaverazhit më të mirë i merr dhe vendin e tretë.
Ndërsa takimi i fundit i orës 14:00 mes Bylisit dhe Flamurtarit, u mbyll në shifrat e barabarta 0-0. Bylisi dominoi takimin dhe pati shumë raste për të realizuar. Madje në minutën e 34’, Bylisi kishte mundësinë të kalonte në avantazh, por Hidi u tregua i pasaktë nga pika e bardhë e penalltisë.Në minutat në vijim Flamurtari qëndroi fort duke mbrojtur me fanatizëm barazimin.
