Zëdhënësja e PD, Ina Zhupa, deklaroi sot se “nëse do të kishte drejtësi të pavarur, Taulant Balla do të ishte prapa hekurave për bashkëpunim me kriminelë për pastrim parash përmes lejeve të ndërtimit dhe tenderave publikë”.
“Taulant Yaris do të ishte duke dhënë llogari për garancitë dhe mbrojtjen që u jep kriminelëve dhe trafikantëve. Përdorimi i krimit të organizuar për pushtet e para nuk i shpëton dot ‘taulantët e Rilindjes’. Presioni dhe shantazhi që u bën gjyqtarëve dhe prokurorëve nuk e mbron dot gjatë, ashtu siç nuk fshihet dot më pas sulmeve kundër opozitës që i nxori të palarat e kriminalizimit dhe korrupsionit të kësaj qeverie-bande. Shqiptarët po e vuajnë në kurriz këtë pushtet. Ora e drejtësisë dhe llogaridhënies po afron. Taulant Yaris bën mirë që të marrë masat që tani për qelinë e tij,” shton Zhupa.
Më herët, Taulant Balla sulmoi Presidentin Ilir Meta. Nga Kongresi i PS-së, Balla e krahasoi Metën me Ver Llapën. Nga Presidenca, nuk pati kundër-reagim lidhur me deklaratën.
