Kryeministri Edi Rama shpalosi në fjalën e tij gjatë ditës së dytë të Kongresit të PS-së, synimin për zgjedhjet e ardhshme parlamentare. Kryeministri dhe kreu i PS-së, jo vetëm që synon sërish shumicën absolute në parlament për të qeverisur e vetme, por një rezultat më të thellë se në zgjedhjet e fundit.
“Partia e pare jemi dhe do jemi por të kemi mbështetjen më të madhe që kemi pasur deri tani, domethënë dua 800 mijë vota për mandatin e tretë të PS”, tha Rama.
Kreu i qeverisë tha se qeveria ka sjellë rritje të ekonomisë, rritje të punësimit, rritje të pagave, të investimeve të huaja, megjithatë raportet e publikuara dhe gjendja në terren, nuk përputhen me ato që thotë shefi i ekzekutivit.
Ai tha se në pranverë PS do shpalos programimin ekonomik, nga i cili zbuloi se paga minimale do jetë 300 mijë Lekë.
Rama dha një mesazh për të tijtë:
“Kush ka mbështetjen këtu, si ministër deputet, delegat, që nuk e ka kuptuar se cfarë kërkohet dhe s’ka energji për të bërë më shumë kilometra duhet dhe të hapë krahët. Duhet të hapë krahun kush nuk e ka kuptuar që PS s’është pronë ekskluzive e asnjë shefi sado i madh e sado i vogël, që nga kryetarët e organizatave deri tek shefat në Tiranë. E them këtë për shumë arsye, por një arsye që vazhdon të ma bëjë të pamundur që të jem i kënaqur me punën që bëhet në PS nga të gjithë, është se akoma sot, në vitin 2020, ne kemi gardhe dhe mure dhe kanale për të kapërcyer për njerëzit që duan të na bashkohen pafund. Kemi kryetarë organizatash, deputetë, udhëheqësa që jo vetëm nuk arrijnë të shtyjnë më fort për ti rrëzuar këto gardhe e mure por i justifikojnë. “Jo ketë e jemi shok të mirë, e kemi që nga koha e kluftës, ndërkohë që luftë ka bre vetem ai qe eshte 100 vjec sot ketu, jo po i humbi këto zgjedhje ta mbajmë se shiko si është puna, ndërkohë ky tjetri na prish punë se na solli një nga PD, një nga LSI”.
