Në testet parasezonale të Formula 1, skuadra e Mercedes me dy pilotet e tyre, Lewis Hamilton dhe Valtteri Bottas kanë dominuar gjithçka duke vendosur kohët më të shpejta. Mirë është shfaqur edhe Red Bull, të cilët duken se kanë bërë një hap më tej në përmirësimin e makinës krahasuar me sezonin e kaluar.
Ajo që ka zhgënjyer ka qenë pikërisht Ferrari, pilotët e të cilës nuk kanë arritur as t’i afrohen kohëve të rivalëve. Në lidhje me këtë, shefi i skuderisë anglo-gjermane, Totto Wolf, ka deklaruar se Ferrari po fsheh frikshëm potencialin e madh të makinës së tyre.
“Nuk besojmë se kjo është forca reale e Ferrarit. Në testet dimërore më së shumti fokusohemi te besueshmëria e motorit dhe jo te shpejtësia, ndaj mendojmë se Ferrari ka fshehur një pjesë të potencialit të saj, pa frikë ata janë 1 sekondë më të shpejtë nga çfarë tregojnë. Gjithsesi, ne fokusohemi te puna jonë dhe te ndërtojmë një Mercedes sa më të shpejtë”, tha Toto Volf, shefi i Mercedesit.
