Kohët e fundit është përfolur për një kalim të Lewis Hamilton te skuderia e Ferrarit.
Ndërsa ajo çfarë e ka bërë këtë gjë më të besueshme, është që Ferrari nuk e ka përgënjeshtruar aspak këtë lajm madje drejtuesit më të lartë të skuadrës kanë dalë hapur se ai do të ishte mëse i mirëpritur te Ferrari.
Gjithsesi këto zëra i ka shuar shefi i skuadrës së Mercedes, Totto Wolf. Austriaku ka deklaruar se prioriteti i tij më i madh është që të mbajë Hamilton-in nën kontratë me Mercedesin.
“Do të jap 100% për tu siguruar që Hamilton të mbetet piloti i Mercedes edhe pas vitit 2020. Lewis është prioriteti numër 1. Nuk jam i shqetësuar për mungesën aktuale të negociatave. Mes tij dhe skuadrës ekziston një marrëdhënie mirëbesimi dhe respekti çka na lejon të jemi të qetë”.
Kujtojmë që kontrata e Hamilton dhe skuderisë Mercedes, skadon në përfundimin e sezonit të ri dhe akoma palët nuk kanë rënë dakord për të vazhduar bashkëpunimin e tyre. Kjo gjë ka sjellë dhe interesimin e Ferrarit për gjashtë herë kampionin e botës.
