Një velierë me katër shtetas të huaj në bord, ka qenë në rrezik në mes të detit në afërsi të Currilave në Durrës, duke bërë që të kërkonin ndihmë te autoritetet shqiptare.
Mësohet se në bord ishin tre shtetas turq dhe një amerikan dhe veliera ishte nisur nga Mali i Zi me destinacion Turqinë
Mësohet se moti i keq me det të trazuar e kishte nxjerrë mjetin lundrues afër bregut të detit.
Ekuipazhi dha sinjalin SOS që u kap nga kapitenaria e portit. Në ndihmë të tyre shkuan forcat e policisë kufitare dhe nxorën në breg 4 personat qe ishin ne bord. Ata u akomoduan në një hotel aty pranë.
Pasi të qetësohet deti do të shikohet mundësia e nxjerrjes së mjetit nga vendi me shkëmbenj nënujorë ku ajo ka ngecur. Gjendja e pjesetarëve të ekuipazhit paraqitet e mirë.
