Bayern Leverkusen ka arritur një fitore 2-0 në shtëpi kundër Augsburgut, ndeshje kjo e vlefshme për javën 23-të të Bundesligës gjermane.
Moussa Diaby shënoi golin e avantazhit në minutën 25-të. Më pas vendasit dominuan totalisht ndeshjen. Goli i cili vulosi takimin u shënua nga Nadiem Amiri, në minutën e 59-të të pjesës së dytë.
Me këtë fitore skuadra e drejtuar nga Peter Bosz, ngjitet në kuotën e 43 pikëve në vendin e pestë me pikë të barabarta me vendin e katërt, që mbahet nga Borussia Monchegladbach.
Në javët e mbetura mes këtyre dy skuadrave, pritet një luftë e fortë për të siguruar pikërisht këtë pozicion që të siguron një biletë për në Ligën e Kampioneve.
