Ish-deputeti Oerd Bylykbashi ka reaguar lidhur me tentativën e mazhorancës së Kryeministrit Edi Rama për kapjen e Gjykatës së Lartë dhe asaj Kushtetuese.
Bylykbashi shkruan se Gjykata e Lartë dhe ajo Kushtetuese janë sytë e sistemit të drejtësisë, ndërsa shton se tanimë, ky sistem endet verbtazi me të dy sytë e dalë nga zgavrat, pas operacionit të suksesshëm të reformës.
“Doktor Adhamulli i famshëm e thoshte: “Kur të dhemb njëri sy, kërreje që të shpëtoç tjetrin”. E kur të dhembin të dy kerreji të dy. Por ne nuk na duhen sytë e Drejtësisë sepse kemi Kryeadhamullin që e di ai se kush ka faj dhe kush jo.
Populli e thotë me urtësi cinike: “të nxjerrësh sytë për të vënë vetulla”. Shkurt, në kohët e reformës, kjo quhet “vetlling””, shkruan Bylykbashi.
Postimi nga Oerd Bylykbashi
Vetlling
Gjykata Kushtetuese dhe Gjykata e Larte ishin syte e sistemit te drejtesise. Dhe syte jane aq te rendesishem, edhe kur jane strabike apo miope (sepse te pakten sheh), saqe populli ka nje shprehje: “si syte e ballit”.
Tanime, sistemi i Drejtesise endet verbtazi me te dy syte te dale nga zgavrat pas operacionit te suksesshem te reformes.
Doktor Adhamulli i famshem e thoshte: “Kur te dhemb njeri sy, kerreje qe te shpetoç tjetrin”. E kur te dhembin te dy kerreji te dy. Por ne nuk na duhen syte e Drejtesise sepse kemi Kryeadhamullin qe e di ai se kush ka faj dhe kush jo.
Populli e thote me urtesi cinike: “te nxjerresh syte per te vene vetulla”. Shkurt, ne kohet e reformes, kjo quhet “vetlling”.
